मुंबई : भारतीय जनता पक्षाच्या कोअर समितीची बैठक प्रदेशाध्यक्ष खासदार रावसाहेब पाटील दानवे यांच्या अध्यक्षतेखाली गुरुवारी (१६ मार्च) झाली. राज्यातील २५ जिल्हा परिषदांच्या अध्यक्षपदांच्या निवडणुकीची चर्चा या बैठकीत झाली. जिल्हा परिषद अध्यक्ष निवडण्यासाठी आवश्यक असलेले सर्व अधिकार त्या त्या जिल्ह्याच्या अध्यक्षांना व जिल्हा समित्यांना देण्याचा निर्णय या बैठकीत झाला, अशी माहिती प्रदेश भाजपचे मुख्य प्रवक्ते माधव भांडारी यांनी दिली आहे.